गौरमा प्रहरी र मोर्चा बीच झडप, एक दर्जन घाइते
रौतहट, १५ फागुन । रौतहटको गौरमा आइतवार आयोजित नेकपा एमालेको कार्यक्रममा अवरोध पुर्याउने संयुक्त लोकतान्त्रिक मधेशी मोर्चाका कार्यकर्तामाथि प्रहरीले बल प्रयोग गर्दा करिब एक दर्जन व्यक्ति घाइते भएका छन् ।
एमालेको कार्यक्रममा मोर्चाका स्थानीय नेता तथा कार्यकर्ताहरुले अवरोध पुर्याउने क्रममा प्रहरीले बल प्रयोग गर्दा मोर्चाका कार्यकताहरु घाइते भएका हुन् । एमाले जिल्ला कमिटी रौतहटले आयोजना गरेको बृहत कार्यकर्ता भेला तथा पार्टी प्रवेश कार्यक्रममा अवरोध पुर्याउनेमाथि प्रहरीले अन्धाधुन्द लाठी चार्ज गर्दा अघिकांश घाइतेहरुको टाउको तथा शरिरको विभिन्न भागमा चोट लागेको छ ।
वरिष्ठ नेता माधव नेपाल जिल्ला आउने थाहा पाएपछि मोर्चाका कार्यकर्ताहरु गौरको विपी चोकमा टायर बालेर प्रदर्शनमा उत्रिएका थिए । बिपी चौकदेखि करिब चार सय मिटर पूर्व ब्यारेक फिल्डमा एमालेले कार्यक्रम आयोजना गरेको छ । भाषण चलिरहँदा पनि मोर्चा र प्रहरी बीच झडप जारी रहेको छ ।
कार्यक्रममा एमालेका वरिष्ठ नेता माधवकुमार नेपाल, सांसदहरु डा. बंशीधर मिश्रलगायतका नेताहरु सहभागी भएका छन् । झडपका क्रममा हिमालय टेलिभिजनका रौतहट सम्वाददाता प्रभात कुमार झा सशस्त्र प्रहरीको कुटपिटबाट घाइते भएको जनाईएको छ ।
सम्बन्धित शीर्षकहरु
गोठाटार पुल अगाडि भएको दुर्घटनामा मोटर साईकल चालकको घटना स्थलमै मृत्यु
काठमाडौंबाट जनकपुर जाँदै गरेको बस दुर्घटना
केपी ओलीको घोषणाः दासढुंगा र दरबार हत्याकाण्डको रहस्य पत्ता लाग्छ
काठमाडौँमा भारी वर्षा, अझै केही दिन जारी रहने
हिजो सिद्धपाइलाको बिच भिरबाट करीब ५०० मिटर तल गाडी खस्दा त्यसमा सवार मध्य ५ जनाको अवस्था गम्भीर एक जना भने सामान्य अवस्थामा
हुम्लामा कांग्रेस कार्यकर्ताबीचमा नै आपसमा ढुङ्गा हानाहान प्रहरीले गोली चलायो
No comments
Post a Comment