एजेन्सी । भारतको आदमपुरस्थित एक गाँउमा एक युवतीमाथि सामूहिक बलात्कार भएको सार्वजनिक भएको छ । पीडितले प्रहरीमा लेखाएको रिपोर्टअनुसार बाबुलाई रुखमा बाँधेर एक युवतीमाथि सामूहिक बलात्कार भएको हो ।यो आपराधिक घटना वारदात आदमपुर क्षेत्रस्थित एक गाउँको जंगलमा २६ डिसेम्बरको दिन भएपनि पीडितले प्रहरीमा रिपोर्ट लेखाएपछि मात्रै सार्वजनिक भएको हो । युवती आफ्ना बाबुसँग खेतमा घाँस काटिरहेका बेला आएको समूहले पेस्तोल देखाएर युवतीमाथि जबरजस्ती गरेका हुन् ।
उक्त कार्यको उनका बाबुले प्रतिकार गर्न खोजेपछि उनलाई रुखमा बाँधेर युवतीको मुखमा कपडा खाँदेर सामुहिक बलात्कार गरेका थिए ।
उनका बाबुले ठूलो स्वरमा सहयोगको अपील गरेपछि उनीहरु मार्ने धम्की दिँदै फरार भएका थिए । घटनाबारे रिपोर्ट लेख्न गएका उनीहरुलाई प्रहरीले घटना नक्कली भएको भन्दै जाहेरी लिन अस्वीकार गरेको थियो ।
No comments
Post a Comment