बर बिहानी
नेपालगञ्ज, १ चैत । बाँके जिल्लाको गुलरिया–नेपालगञ्ज सडक खण्डको सोनपुर गोनाना प्रहरीले गोलि चलाएको छ । एमाले कार्यकर्ता र मधेसी मोर्चाका कार्यकर्तावीच तनाव बढेपछि प्रहरीले हवाइ फायर र अश्रुग्यास प्रहार गरेको हो ।
प्रहरीसँगको झडपमा दुई जना मोर्चा कार्यकर्ता घाइते भएको जनाइएको छ । मधेसी मोर्चाका कार्यकर्ताले प्रहरीको हतियार खोस्न खोजेपछि दुई राउण्ड हवाई फायर गर्नुपरेको जिल्ला प्रशासन कार्यलयले जनाएको छ ।
तर, मधेसी मोर्चाका नेता इस्तियाक राईले भने आफ्ना कार्यकर्ताले प्रहरीको हतियार नखोसेको बताएका छन् । नेपालगञ्जमा आयोजित कार्यक्रममा सहभागी हुन आउनेहरुलाई रोक्नेमात्रै आफूहरुको लक्ष्य रहेको मोर्चाका नेताको दाबी छ ।
सप्तरी घटनाको विरोधमा मोर्चाले मंगलबार बाँके बन्दको आह्वान गरेको छ । जिल्लाको शहरी इलाकादेखि ग्रामीण क्षेत्रमा मोर्चाको शान्तिपूर्ण प्रदर्शन जारी छ । मोर्चाको शान्तिपूर्ण विरोध कार्यक्रममा प्रहरीले गोली प्रहार गर्नुका साथै अश्रु ग्यास र लाठी चार्ज गरिरहेको संघीय समाजवादी फोरम नेपाल बाँकेका अध्यक्ष कमरुद्दीन राइनले जानकारी दिएका छन ।
अहिले बाँकेको सोनपुरमा मधेसी मोर्चा र प्रहरीबीच भिडन्त भैरहेको छ । जिल्ला प्रहरी कार्यालयले सोनपुरमा थप प्रहरी परिचालन गरेको बताइएको छ । बाँके बन्दको आव्हान गरेको मोर्चाका कार्यकर्ताले बाँकेको यातायात ठप्प पारेका छन् ।
स्थिति अनियन्त्रित भएपछि प्रहरीले दर्जनौं राउण्ड अश्रुग्याँस प्रहार गरेको बताइएको छ । यसअघि एमालेको सभाका लागि कार्यकर्ता ओसार्न प्रयोग भएको गाडीलाई मोर्चा कार्यकर्ताले सोनपुरमा आगजनी गरेर ध्वस्त पारेका छन् ।
सम्बन्धित शीर्षकहरु
हिजो सिद्धपाइलाको बिच भिरबाट करीब ५०० मिटर तल गाडी खस्दा त्यसमा सवार मध्य ५ जनाको अवस्था गम्भीर एक जना भने सामान्य अवस्थामा
हुम्लामा कांग्रेस कार्यकर्ताबीचमा नै आपसमा ढुङ्गा हानाहान प्रहरीले गोली चलायो
गोठाटार पुल अगाडि भएको दुर्घटनामा मोटर साईकल चालकको घटना स्थलमै मृत्यु
काठमाडौंबाट जनकपुर जाँदै गरेको बस दुर्घटना
केपी ओलीको घोषणाः दासढुंगा र दरबार हत्याकाण्डको रहस्य पत्ता लाग्छ
काठमाडौँमा भारी वर्षा, अझै केही दिन जारी रहने
No comments
Post a Comment