लागेको उत्तरआधुनिक मेलाले
नवअवतारमा फेरिएको छ
आजको बजार
दिनमा बूढाबूढीलाई लोकदोहोरी
रातमा तन्देरी कन्सर्ट जसरी
परम्परागत पहिरनदेखि
बिकिनीसम्म झुन्ड्याएर
कृत्रिम आवश्यकता बेचिरहेको छ
आजको बजार
दृष्टिछलका टिमटिमाउँदा तारा
छोप्न खोज्दा आफ्नै तालीको
गडगडाहट भर्याङबाट खस्ने
मूकदर्शकजस्ता ग्राहक बटुलेर
जाली रुमाललाई परेवा बनाई उडाउने
जादुगरजस्तो छ
आजको बजार
बेमेल अंकमालमा विनिमय भइदिने
अर्थतन्त्रको राजनैतिक ओखतीले
तोलातोला तङ्ग्रिएको सुपर मार्केटमा
भोको मान्छेलाई
सुनको धाराले
आची पखाल्न सिकाउँछ
आजको बजार
ज्युँदो र मुर्दाको ताजुबलाग्दो
स्क्रिन भाइचारा सम्बन्ध
रिमोट भगिनी मित्रता
विज्ञापनमा हात मिलाएर गाँसेपछि
भान्साको कसौडीमा
चामल पाक्छ कि
माटोको भात
सब बिर्साइदिन्छ
आजको बजार
जिन्दगीका परीक्षार्थीलाई
मूलग्रन्थ बेच्दैन
सन्दर्भ पुस्तक पनि बेच्दैन
केवल गेसपेपर बेच्छ
आजको बजार
सम्बन्धित शीर्षकहरु
भरतपुरमा देवी ज्ञवालीको अग्रता कायमै, के कांग्रेसले रेणुलाई भोट नदिएकै हो त ?
अपार्टपेन्टमा एक जोडीले सेक्स गरिररहेको आवाज ओपन टेनिस प्रतियोगीता स्थलमा नै सुनिएपछि
लामो समयपछि आए फुटबलर विमल घर्ती मिडियामा अन्तर्वार्ता दिदै (भिडियो सहित)>>
यी महिलाले यसरी रामधुलाई गरिन यी युवकको .......यस्तो राम धुलाई सायद तपाइले देख्नु भएको थिएन होला ....... भिडियो हेर्नुहोस्
LIVE : LIVE : बल्ल आयो मोबाइल बाट प...
फुर्सदको समयमा यो खेल हेर्नुस निकै चकित पार्छ (भिडियो)
No comments
Post a Comment