ujyaloline
गोरखा, मंसिर १४ – महिला हिंसा विरुद्धको १६ दिने अभियान चलिरहेकै बेला गोरखामा एकै दिन बलात्कारका दुई वटा घटनाबारे प्रहरीमा उजुरी परेको छ । प्रहरीले आमालाई बलात्कार गरेको आरोपमा युवक र आठ वर्षकी बालिका बलात्कार गरेको आरोपमा वृद्धलाई पक्राउ गरेको छ ।आमालाई बलात्कार गरेको आरोपमा प्रहरीले एक युवकलाई पक्राउ गरेको छ । ४६ वर्षकी आमालाई बलात्कार प्रयास गरेको आरोपमा गोरखा नगरपालिका–११ का युवकलाई प्रहरीले पक्राउ गरेको हो । २६ वर्षका ति युवकले सोमबार बेलुका आफ्नै घरमा आमालाई बलात्कार गरेको प्रहरी नायव उपरिक्षक विरेन्द्र थापाले बताउनुभयो । युवकलाई प्रहरीले प्रक्राउ गरि मंगलबार मुद्दा दर्ता गरेको छ । युवकविरुद्ध जबरजस्तीकरणी उद्योगमा मुद्दा दर्ता गरि अनुसन्धानका लागि पाँच दिनको म्याद थप गरिएको उहाँले जानकारी दिनुभयो । बालिका बलात्कारको आरोपमा वृद्ध पक्राउ
आठ वर्षकी बालिका बलात्कार गरेको आरोपमा तान्द्राङका ६७ वर्षका वृद्ध पक्राउ परेका छन् । तान्द्राङ माझिन्थोकका आरोपितले बालिका बलात्कार गरेको उजुरीका आधारमा पक्राउ गरी अनुसन्धानका लागि म्याद थप गरिएको प्रहरी नायव उपरिक्षक थापाले बताउनुभयो ।
No comments
Post a Comment