काठमाडौं, मंसिर १३ । सोमबार एकाबिहानै आएको पराकम्पन (भूकम्प)मा परी एकजनाको मृत्यु भएको छ ।
पराकम्पनका कारण आमादब्लम हिमालमा पहिरो जाँदा खसेको चट्टानले लागेर आरोहणमा गएका सोलुखुम्बु, खुम्जुङ गाविस वडा नम्बर–८ का ४२ वर्षीय लाक्पा थुन्डु शेर्पाको मृत्यु भएको हो ।
हिमपहिरोमा परी बेलायली नागरिक पेरिन हिल सामान्य घाइते भएको र उनलाई उपचारका लागि काठमाडौं पठाइएको सोलुखुम्बुका प्रमुख जिल्ला अधिकारी उमेश पाण्डेले बताए ।तीन दिनअघि आमादब्लम हिमाल आरोहणमा गएका उनीहरु दोस्रो शिविरबाट तेस्रो शिविरतर्फ लाग्नेक्रममा भूकम्प आइ हिमपहिरो खसेको जनाइएको छ ।आरोहण दलका अरु सदस्यहरु भने सकुशल रहेको पनि प्रजिअ पाण्डेले बताए ।सोमबार बिहान ५ बजेर २० मिनेटमा रामेछाप र सोलुखुम्बुको सीमामा केन्द्रबिन्दू भएर ५.६ म्याग्निच्यूडको पराकम्पन आएको थियो ।यो नयाँ भूकम्प नभइ गत वर्ष गएको ‘गोरखा भूकम्प’कै पराकम्पन भएको राष्ट्रिय भूकम्प मापन केन्द्रले जनाएको छ ।
सम्बन्धित शीर्षकहरु
हिजो सिद्धपाइलाको बिच भिरबाट करीब ५०० मिटर तल गाडी खस्दा त्यसमा सवार मध्य ५ जनाको अवस्था गम्भीर एक जना भने सामान्य अवस्थामा
हुम्लामा कांग्रेस कार्यकर्ताबीचमा नै आपसमा ढुङ्गा हानाहान प्रहरीले गोली चलायो
गोठाटार पुल अगाडि भएको दुर्घटनामा मोटर साईकल चालकको घटना स्थलमै मृत्यु
काठमाडौंबाट जनकपुर जाँदै गरेको बस दुर्घटना
केपी ओलीको घोषणाः दासढुंगा र दरबार हत्याकाण्डको रहस्य पत्ता लाग्छ
काठमाडौँमा भारी वर्षा, अझै केही दिन जारी रहने
No comments
Post a Comment