हजारौं स्पर्मको म्याराथन जितेर
ओभम छेडेपछी
सुरु भएको हो
तिम्रो बहादुरीको यात्रा !
तिम्रै नामको लालपुर्जाले मात्रै
नापिन्छ
मेरो पाठेघरको उचाई !
संस्कारका भुत्ते कानहरुले
तिम्रै अधिकारको
हेयरिङ एड बाट मात्रै सुन्छन
मेरो गर्भको धड्कन !
तिम्रो स्वामित्वको प्रमाणबिना
काटिएनन
अँह
काटिएकै छैनन
प्रसबका सालनालहरु!
भर्खरै जन्मेको
नवजात शिशु
कंगारूझैं छातीमा चेपेर
युगाैंदेखी बारबार सोध्दैछु
महाशय!
के स्वास्नीमान्छेको पाठेघर
तिम्रो विर्य बोक्ने झोला मात्र हो ???
-फेसबुक भाइरल भएको सम्पदा रिजालको कविता ”झोला”
लाईट नेपाल बाट साभार
सम्बन्धित शीर्षकहरु
No comments
Post a Comment