दैनिक नेपाल
काठमाडौं, १७ वैशाख । प्रधानन्यायाधीश सुशीला कार्कीविरुद्ध संसदमा दर्ता भएको महाअभियोग प्रस्तावको सत्तारुढ कांग्रेस र माओवादी केन्द्रकै सांसदले विरोध गरेका छन् ।
महाअभियोग प्रस्ताव दर्ता भएपछि प्रमुख प्रतिपक्षी एमालेसँगै सत्तारुढ राप्रपा पनि विरोधमा उत्रिएका बेला स्वयं अभियोग दर्ता गराउने कांग्रेस र माओवादीकै सांसद विरोधमा उत्रिएका हुन् । उनीहरुले संसदमा महाअभियोग प्रस्ताव दर्ता गराउन आफूहरुको किर्ते हस्ताक्षर प्रयोग गरेको खुलासा समेत गरेका छन् ।
प्रधानन्यायाधीश कार्कीविरुद्ध आइतबार सत्तारुढ माओवादी केन्द्र र कांग्रेसका २५९ सांसदको हस्ताक्षरसहित महाअभियोग प्रस्ताव दर्ता भएको छ । महाअभियोग प्रस्तावको प्रस्तावक कांग्रेस नेता मीन विश्वकर्मा छन् भने समर्थक माओवादी केन्द्रका प्रमुख सचेतक टेकबहादुर बस्नेत छन् ।
तर, महाअभियोग प्रस्ताव दर्ताका लागि प्रयोग भएको केही हस्ताक्षर र्कीर्ते भएको हस्ताक्षरकर्ताहरुले बताएका छन् । अधिवक्ता एवं कांग्रेस सांसद राधेश्याम अधिकारीले आफूले महाअभियोग प्रस्तावमा हस्ताक्षर नगरेको र आफ्नो हस्ताक्षर किर्ते भएको दाबी गरे । उनले त्यसलाई सच्याउने आश्वासन पनि दिए ।
त्यस्तै, महाअभियोग पत्रमा हस्ताक्षर भएका माओवादी सांसद शम्भुलाल श्रेष्ठले यसबारेमा आफूलाई केही थापा नभएको बताए । महाअभियोग प्रस्तावमा पार्टीले कीर्ते गरेर आफ्नो हस्ताक्षरको दुरुपयोग गरेको आरोप लगाए ।
सम्बन्धित शीर्षकहरु
केपी ओलीको घोषणाः दासढुंगा र दरबार हत्याकाण्डको रहस्य पत्ता लाग्छ
काठमाडौँमा भारी वर्षा, अझै केही दिन जारी रहने
हिजो सिद्धपाइलाको बिच भिरबाट करीब ५०० मिटर तल गाडी खस्दा त्यसमा सवार मध्य ५ जनाको अवस्था गम्भीर एक जना भने सामान्य अवस्थामा
हुम्लामा कांग्रेस कार्यकर्ताबीचमा नै आपसमा ढुङ्गा हानाहान प्रहरीले गोली चलायो
गोठाटार पुल अगाडि भएको दुर्घटनामा मोटर साईकल चालकको घटना स्थलमै मृत्यु
काठमाडौंबाट जनकपुर जाँदै गरेको बस दुर्घटना
No comments
Post a Comment