चितवन, १२ पुस १२ । चन्डिभञ्ज्याङ गाविस–६ कालीखोलामा गएराति रात्रिबस खस्दा एक जनाको घटनास्थलमा नै मृत्यु भएको छ भने २६ जना घाइते भएका छन् । घटनास्थलमा रहनुभएका जिल्ला प्रहरी कार्यालय चितवनका प्रमुख प्रहरी उपरीक्षक दीपक थापाका अनुसार काठमाडौँबाट मलङ्गवातर्फ जान आउँदै गरेको ना ४ ख ५४४२ नंको रात्रिबस राति १२ः४० बजे सडकबाट करिब १०० मिटर तल खोलामा खसेको हो ।
बसभित्र सिटमा च्यापिएर सिरहा जिल्लाको लक्ष्मीपुर पटाहाका ३३ वर्षीय धर्मराज मण्डलको मृत्यु भएको प्रहरी उपरीक्षक थापाले बताए ।घाइतेमध्ये १९ जनाको चितवन मेडिकल कलेज भरतपुरमा उपचार भइरहेको छ भने पाँचको अवस्था गम्भीर भएको अस्पतालले जनाएको छ । अन्य घाइते सामान्य उपचारपछि घर फर्किएका छन् ।
बस त्रिशूली नदीमा पुग्नुभन्दा २० मिटरमाथि खोचमा अड्किएकाले ठूलो क्षति हुनबाट जोगिएको छ । राति १ः१५ बजेबाट नेपाल प्रहरी र जनपद प्रहरीले उद्धार थालेका थिए । बस खसेको ठाउँमा डोरीको सहायताले झरेर उद्धार गरिएको हो । यो घटनास्थल मुग्लिङबाट तीन किलोमिटर नारायणगणतर्फ पर्दछ ।
सम्बन्धित शीर्षकहरु
हिजो सिद्धपाइलाको बिच भिरबाट करीब ५०० मिटर तल गाडी खस्दा त्यसमा सवार मध्य ५ जनाको अवस्था गम्भीर एक जना भने सामान्य अवस्थामा
हुम्लामा कांग्रेस कार्यकर्ताबीचमा नै आपसमा ढुङ्गा हानाहान प्रहरीले गोली चलायो
गोठाटार पुल अगाडि भएको दुर्घटनामा मोटर साईकल चालकको घटना स्थलमै मृत्यु
काठमाडौंबाट जनकपुर जाँदै गरेको बस दुर्घटना
केपी ओलीको घोषणाः दासढुंगा र दरबार हत्याकाण्डको रहस्य पत्ता लाग्छ
काठमाडौँमा भारी वर्षा, अझै केही दिन जारी रहने
No comments
Post a Comment