अहिले युएईमा अलऐनमा रहेको मिडिलईस्ट सेक्युरीटी गार्ड कम्पनीमा कार्यरत ललितपुरका नवराज खड्का मतदाता नामावलीमा भएको आफ्नो नाम निर्वाचन आयोगको वेवसाइडमा दिनै हेर्नुहुन्छ ।
‘वेवसाईडमा आफ्ना नाम देख्ता अहिले घर जाउँ जस्तो लाग्छ के गर्नु विदा मिलेन, काम गर्न पनि मन लागेको छैन’ खड्काले नरमाईलो मान्दै भन्नुभयो ।
४५ वर्षिया खड्काले अहिले सम्म एकपटक मात्रै मतदान गर्नुभएको छ । पहिलो संविधान सभाको निर्वाचनमा मतदान गरेका उहाँलाई स्थानीय चुनावमा पनि मतदान गर्ने धोको थियो । चुनावमा घर फर्कनका लागि उहाँले कम्पनीमा विदा समेत माग्नु भएको थियो । तर कम्पनीले विदा नदिएपछि मतदाता नामावलीमा भएको आफ्नो नाम हेर्दै चित्त बुझाउनुहुन्छ ।
प्रदेश न ३ अन्र्तगत दोलखा कालिञ्चोक गाउँपालिका ६ का हिमबहादुर बस्नेतले अहिले सम्म एक पटक पनि मतदान गर्नुभएको छैन । उहाँको पनि मतदाता नामावलीमा नाम छ । उहाँलाई मतदान गर्ने ठूलो रहर छ । तर मतदान गर्न आउन पाउनुभएन् ।
बीएड पास गरेका हिमबहादुर देशको राजनीतिक अवस्थाका कारण काम कै खोजीमा युएई सम्म आईपुग्नु भएको हो । तर परदेशिएकै कारण मतदान गर्न नपाउदा उहाँलाई चित्त दुखेको छ । त्यसैले सरकारलाई प्रश्न गर्नुहुन्छ ‘हामीले कमाएर पठाएको पैसाको रेमिट्यान्सले देश चलाउन हुने, परदेशीले राम्रो उम्मेदवारलाई भोट् दिन किन नपाउने ? हामीले पठाएको नोट चल्ने तर भोट नचल्ने यो त अन्याय भयो सरकार ।’
उहाँ जस्तै स्याङ्जा भिरकोटका दिपक कोइराला अहिले युएईको अजमानमा कार्यरत हुनुहुन्छ । प्रदेश नम्बर ४ का दिपकलाई परदेशिएकै कारण भोट हाल्न गाउँ जान नपाउँदा नरमाईलो लागेको छ । २० वर्षपछि हुन लागेको स्थानीय चुनावमा भोट हाल्न नपाउँदा परदेदेशीको चित्त दुखेको छ ।
वैशाख ३१ गते आइतबार पहिलो चरणमा तीन वटा प्रदेशमा स्थानीय तहको चुनाव हुँदैछ । घरघरमा पुगेर आफ्ना पक्षमा मत माग्ने समय पनि सकिएको छ । यसले परदेशमा बस्ने नेपालीलाई उत्साह भन्दा पनि निरासा छाएको छ ।
कतिपय परदेशीको त मतदाता सूचि मै नाम छैन् । नाम भएकाहरु पनि चुनावकै लागि भनेर स्वदेश फर्कने अवस्था छैन् । कम्पनीमा छुट्टीको लागि निवेदन दिन पनि निर्वाचन होला नहोला निधो थिएन् । त्यसैले धेरै परदेशीले कम्पनीमा विदा मिलाउन सकेनन् । तर निर्वाचन हुने पक्का भएपछि भने उनीहर निरास छन् ।
नामावलीमा नाम नभएका र नाम भएर पनि विदा नपाएकाहरु तीन, चार र छ नम्बर प्रदेशका परदेशीहरुले गुनासो गरिरहँदा दोस्रो चरणमा मतदान हुने प्रदेशका परदेशीहरु पनि चिन्तित छन् । उनीहरुले विदेशबाट पनि मतदान गर्न सक्ने व्यवस्था गर्न सरकारसँग आग्रह गरेका छन् ।
चुनावलाई लक्षित गर्दै नेपाल एयरलाइन्सले टिकटमा युएई आउन जान दुई तर्फी टिकटमै छुट दिएको एयरलाइन्स कन्ट्री म्यानेजर रमेश पौडेलले बताउनु भयो । तर छुट भएपनि परदेशीहरु चुनावकै लागि भने फर्किन पाएका छैनन् ।
सम्बन्धित शीर्षकहरु
अाेमनमा यसरी हुन्छ नेपाली महिलाहरु बिक्रीः मूल्य ‘एक लाख ३० हजार मात्र’,गोंगबुको होटलहरुमा छन सेल्टर
ठुलो सपना बोकेर जापान पढ्न जाने सोचमा हुनुहुन्छ भने अवस्य यो भिडियो हेर्नुहोस
मलेसियामा लुटिएको कुमारत्व (अवस्य पढ्नुस ) तपाइको आखा बाट आशु आउने छ
कतारमा ३ जना नेपालीको गाडिले हानेर मृत्यु भएको छ पुरा समाचार पढ्न तलको लिंकमा क्लिक गर्नुहोस.
मलेसियामा म कसरी विग्रिएँ कसरी भनूँ आफ्नो आमा र परिवारलाई !
No comments
Post a Comment