गएको ८ महिनादेखि ओमानको सुब्री भन्ने ठाउँमा स्थानीय ओमानी नागरिकको घरमा कार्यरत छु । रोजगारीका लागि दुवई भनेर आएपनि मलाई दलालले ओमानमा ल्याईपुर्याएका हुन् । मेरो घर सुलुखुम्बुको सावा र माइत ताप्लेजुङ हो ।
५ वर्ष पहिलेदेखि कुवेतमा घरेलु कामदारको रुपमा काम गर्थें । म खास रोजगारीका लागि घरेलु काममा दुवई जान चाहेकी थिएँ । तर मलाई दलालले ओमानमा ल्याएर विचल्लीमा पारेका छन् ।
नेपालबाट पठाउने मेनपावरको नाम थाहा छैन । तर मलाई यहाँसम्म ल्याउने दलाल गोपाल ढुंगाना, रबि राई र सोनाम मगर हुन् । उनीहरुको फोन नम्बर पनि मसँग छ ।
दुबईमा भएकी दिपा बिकले केही दिन राखेर मलाई ओमान ल्याईएको थियो । यहाँ एक जनाको मात्रै होइन ५/५ जना ओमानी नागरिकको घरमा काम गर्नु पर्छ । पाँचवटा परिवारको स्याहार सुसार गर्दा मानसिक तनावमा छु । तलव महिनाको २४ हजार रुपैयाँ (ओमानि रियाल ९० ) हुन्छ । त्यो पनि नियमित दिँदैनन् ।
मलाई तत्काल नेपाल फर्किन मन छ । तर घर मालिकले पैसा नबुझाई फर्किन दिँदैन । उसले भन्छ मलाई ल्याउँदा झण्डै चार लाख ३० हजार रुपैयाँ (ओमानि रियाल १६००) खर्च भएको छ त्यस मध्ये झण्डै दुई लाख ६७ हजार रुपैयाँ (ओमानी रियाल १०००) तिर्नुपर्छ । तेत्रो पैसा कहाँबाट तिर्नु मैले ।
मोवाइल चलाउन दिएपनि रिचार्ज किन्न जान दिँदैन । अहिले सम्म मैले नेपाली संघसंस्था र दूतावासको सहयोग लिन सकेको छैन । मालिकले कसैलाई यो कुरा सुनाए मारेर जङ्गलमा फालिदिन्छु भन्छ । त्यो डरले कसैलाई भन्न पनि सकेको छैन ।
श्रीमानको १६ वर्ष पहिले ज्यान गयो । त्यसपछि तीन छोराको पालन पोषण गर्ने दायीत्व मलाई मात्रै भयो । अनि विदेशिन वाध्य भएँ । अव मलाई नेपाल फर्काउन पहल गरिदिनुहाेस् न ।
निमा शेर्पाको भोगाई हामीले उज्यालोको फेसबुक पेजमा अाएकाे म्यासेजबाट लिएका हौं । उज्यालो
सम्बन्धित शीर्षकहरु
मतदान गर्न नपाउने परदेशी भन्छन – ‘हाम्रो नोट चल्ने, भोट नचल्ने ?’
ठुलो सपना बोकेर जापान पढ्न जाने सोचमा हुनुहुन्छ भने अवस्य यो भिडियो हेर्नुहोस
मलेसियामा लुटिएको कुमारत्व (अवस्य पढ्नुस ) तपाइको आखा बाट आशु आउने छ
कतारमा ३ जना नेपालीको गाडिले हानेर मृत्यु भएको छ पुरा समाचार पढ्न तलको लिंकमा क्लिक गर्नुहोस.
मलेसियामा म कसरी विग्रिएँ कसरी भनूँ आफ्नो आमा र परिवारलाई !
अाेमनमा यसरी हुन्छ नेपाली महिलाहरु बिक्रीः मूल्य ‘एक लाख ३० हजार मात्र’,गोंगबुको होटलहरुमा छन सेल्टर
No comments
Post a Comment