नयाँ दिल्ली—नेपालसँग सीमा जोडिएको उत्तर प्रदेशको सहर गोरखपुरमा मेट्रो रेल निर्माण हुने भएको छ। उत्तर प्रदेशका मुख्यमन्त्री योगी आदित्यनाथको राजनीतिक आधार क्षेत्र गोरखपुरमा मेट्रो रेल बनाउने तयारी थालिएको हो।
मेट्रोको डिटेल प्रोजेक्ट रिपोर्ट (डिपीआर) को लागि गोरखपुर विकास प्राधिकरण र तथा राइट्स कम्पनीबीच सम्झौता भएको छ। ७ महिनामा डिपीआर तयार हुनेछ।
चुनाबको बेला मुख्यमन्त्री योगीले गोरखपुरमा मेट्रो रेल चलाउने बाचा गरेका थिए। पछिल्लो महिना उनले गोरखपुर, झाँसी, इलहावाद, मरेठ, आगरामा मेट्रो सञ्चालनका लागि डिपीआर बनाउन निर्देशन दिएका थिए।
मुख्यमन्त्रीको निर्देशनमा गोरखपुरमा मेट्रो सञ्चालनबारे एक टोलीले सर्वेको काम गरिरहेको छ। टोलीले मेट्रोको सम्भावित रुटको पहिचान गरेको छ। गुलरिहा, खोराबार, बैंक रोड रुटमा मेट्रो चल्ने सम्भावना सर्वेले औंल्याएको छ। २० वर्ष पछिसम्मको ट्राफिकलाई ध्यानमा राख्दै मेट्रो निर्माण गर्न लागिएको हो।
सर्वे टोलीका सदस्यका अनुसार गोरखपुरमा मेट्रो चल्न ६ वर्ष लाग्नेछ। ७ महिना डिपीआर, १५ महिना केन्द्र सरकारबाट अनुमति लिन लाग्नेछ। त्यसपछि तीनदेखि चार वर्षसम्ममा मेट्रो निर्माणको काम पूरा हुने अनुमान गरिएको छ।
गोरखपुर नेपालसँग सीमा जोडिएको भारतीय सहर हो।
सम्बन्धित शीर्षकहरु
अमेरिका भन्दा पनि धेरै हतियार कुन देशसंग छ ?
एनसेलमा अब फेसबुक निसुल्क चलाउन पाइने
हेर्नुहोस् मोबाईल गोजीमा राख्ने गर्नु भएको छ? जीवन नै बर्बात होला ! भिडियो सहित
सवारी चालक अनुमतिपत्र गाउँपालिका र नगरपालिकाबाटै पाइने !
नेपालकै पहिलो महिला डोजर चालक मुना घिमिरे श्रेष्ठ उहाको सम्मान स्वरूप शेयर गरौ (भिडियो)
No comments
Post a Comment