प्रकाशित मिति: May 7, 2017
लागोस। नाइजेरियाको दक्षिण पश्चिम क्षेत्रमा पर्ने लागोसदेखि इबाडानसम्मको राजमार्गमा शनिबार भएको दुर्घटनामा कम्तीमा २६ जनाको मृत्यु भएको छ ।दुई वटा १८ सिटे बस दुर्घटनामा परेको ओयो राज्यका सडक सुरक्षासम्बन्धी कार्यालयका प्रमुख युसुफ सलामीले जानकारी दिनुभयो ।घटनामा परी बालबालिकासहित ११ जना घाइते भएको र उनीहरुको स्थानीय अस्पतालमा उपचार भइरहेको उहाँले बताउनुभयो । प्रत्यक्षदर्शीहरुले दुर्घटनापछि दुवै बसका यात्रुहरु चिन्नै नसकिने गरी जलेको बताएका छन् ।सडक दुर्घटनामा परी धेरै जनाको मृत्यु हुने देशहरुमध्ये नाइजेरिया विश्वमै अग्रपङ्क्तीमा पर्दछ ।सडकको अवस्था नाजुक, राम्रोसँग मर्मत नगरिएका सवारीसाधान, ट्राफिक नियमको उलङ्घन, चालकहरुको हेलचक्रयाइँ र अनुगमनको अभावका कारण दुर्घटना धेरै हुने गरेको अधिकारीहरुको भनाइ छ ।
सम्बन्धित शीर्षकहरु
काठमाडौँमा भारी वर्षा, अझै केही दिन जारी रहने
हिजो सिद्धपाइलाको बिच भिरबाट करीब ५०० मिटर तल गाडी खस्दा त्यसमा सवार मध्य ५ जनाको अवस्था गम्भीर एक जना भने सामान्य अवस्थामा
हुम्लामा कांग्रेस कार्यकर्ताबीचमा नै आपसमा ढुङ्गा हानाहान प्रहरीले गोली चलायो
गोठाटार पुल अगाडि भएको दुर्घटनामा मोटर साईकल चालकको घटना स्थलमै मृत्यु
काठमाडौंबाट जनकपुर जाँदै गरेको बस दुर्घटना
केपी ओलीको घोषणाः दासढुंगा र दरबार हत्याकाण्डको रहस्य पत्ता लाग्छ
No comments
Post a Comment